天主教教宗方濟各近日就展開咗加拿大訪問之旅，理論上教宗去到世上其他地方都會得到熱烈接待，但奇就奇在今次教宗方濟各去到加拿大嘅第一日，竟然係要去同當地嘅原住民倖存者道歉，到底當中有咩歷史呢？阿史今次就同大家講一講啦！
教宗作為全球13億天主教徒領袖，要咁樣公開道歉並唔係一件容易嘅事，但其實當年加大拿原住民兒童面對嘅經歷係相當之殘忍！喺18世紀至20世紀期間，當時加拿大政府就分階段將15萬名原住民兒童送到由當地教會經營嘅139所寄宿學校，表面睇嚟好似係為兒童教育著想，但實情就係切斷呢啲兒童同原生家庭嘅語言、文化連結，務求可以實現「同化政策」。呢啲「同化政策」亦被視為係文化滅絕，喺原住民兒童居住喺寄宿學校其實就發生咗多次虐待事件，甚至近年有唔少寄宿學校舊址都發掘到當年原住民兒童嘅屍體，真係相當殘忍！
對此，教宗方濟各就表示「許多教會成員在施虐制度中合作」，而佢對此就表示「深切的痛苦和悔恨」。事隔咁多年之後嘅道歉，原住民倖存者團體成員就表示，「這時候道歉已經晚了，我認為這對我沒多大用處。」
原圖嚟自網絡